صديقتي المسيحية

صديقتي المسيحية

 

أنا و هي أصحاب

جمعتنا الحياة أحباب

مهما كان للحزن باب

و التطرف دار ينخور بالعذاب

سهم فينا يترشق يهدم مالينا

جه يدمر عمرنا أدام عينينا

إرهاب غراب

أنا و صديقتي

من زمان أصحاب

إعترضنا

كانت الصرخة بتدوي

بإحتضار و إفترضنا

كانت الدهشة في حوارنا

لانت الأزمة بسلامنا

روحنا تنهض بالتسامح

ف الضماير رفض جامح

ليه نكون أغراب و إحنا

عمر يجمعنا التصالح

قلنا لا

بحق الصداقة والحياة

مصر بينا

و الحضارة و الثقافة

و العمار ضلل علينا

فكرنا بقي أولي لينا

مصر أكتوبر يا مصري

هي عصرك هي عصري

مصر مسلم مع مسيحي

لو جريحك أو جريحي

مصر وحدتنا أصالة

كل شارع كل حارة

فرحي فرحك حزني حزنك

همي همك وطني وطنك

للتعايش ألف جارة

فلسفة حب و مرارة

مجتمع شامل بقائنا

كل أزماتنا وولائنا

كل معاناتنا إنتمائنا

هم واحد عمر واحد

بين هلالنا أو صليبنا

رب واحد

و الوطن ف الأصل واحد

رب واحد

و الوطن ف الأصل واحد.

.........................

إيمان أحمد يوسف

عضو إتحاد كتاب مصر

.........................